Yangiliklar
Nukusdan poyezdlar sizni Qozog‘istonning Mang‘istauga olib boradi
Temiryo‘lchilarning yozishicha, Mang‘istau viloyati o‘zining betakror tabiati, boy tarixi va madaniy merosi, rivojlangan sayyohlik infratuzilmasi va ko‘ngilochar maskanlari bilan sayyohlarni o‘ziga jalb qiladi.
Poyezdlar 22-avgustdan Nukusdan, 23-avgustdan esa Mangʻistaudan quyidagi jadval boʻyicha harakatlana boshlaydi:
- 650-yo‘nalish payshanba, shanba va seshanba kunlari Nukus bekatidan soat 20:16 da jo‘nab, Mang‘istauga 17:14 da yetib keladi;
- 649-marshrut juma, yakshanba va chorshanba kunlari Mang‘istovdan soat 18:54 da jo‘nab, Nukusga 15:22 da yetib boradi.
Eslatib o‘tamiz, “O‘zbekiston temir yo‘llari” aksiyadorlik jamiyati “Afrosiyob” poyezdlarining ertalabki qatnovini bir soat oldinga o‘tkazishni rejalashtirgan va yo‘lovchilardan fikr-mulohazalarini so‘ramoqda.
