Transport vaziri o‘rinbosari Jasurbek Choriev Magnus Aircraft Zrt. kompaniyasi bosh direktori Laslo Borosh bilan uchrashdi

Uchrashuvda aviatsiya sohasida ikki tomonlama hamkorlik imkoniyatlari muhokama qilindi. Asosiy mavzu – Magnus Fusion 212 yengil samolyotlarini O‘zbekistonda ishlab chiqarish imkoniyati.

Vengriya kompaniyasi "Magnus Aircraft Zrt." xalqaro aviatsiya bozorida faoliyat yuritadi va yuqori mustahkam kompozit materiallardan tayyorlangan innovatsion havo kemalarini loyihalash va sotishga ixtisoslashgan. Asosiy ishlab chiqarish quvvatlari va bosh qarorgohi Pogan shahrida joylashgan bo‘lib, xalqaro Pech-Pogan aeroportiga yaqin hududda 8 000 kvadrat metr maydonni egallaydi.

Hozirda Magnus guruhi global faoliyatini kengaytirmoqda, AQSh, Xitoy, Serbiya hamda Afrika va Yaqin Sharqdagi bir qator mamlakatlarda vakolatxonalariga ega. Bunday hamkor bilan hamkorlik O‘zbekistonda kichik aviatsiyani rivojlantirish va kompozit konstruktsiyalar ishlab chiqarishning zamonaviy texnologiyalarini joriy etish uchun yangi imkoniyatlar yaratishi mumkin.

Manba